Папулярызацыя беларускай мовы

У рамках папулярызацыі беларускай мовы 31 кастрычніка навучэнцы 5-11 класаўпаехалі ў г. Мінск, дзе даведаліся шмат новага пра архітэктуру горада. А таксама наведалі Чырвоны касцёл, Востраў слёз і Нацыянальную бібліятэку Рэспублікі Беларусь. Экскурсавод Галіна Аляксандраўна з натхненнем распавядала на беларускай мове пра жыццё і творчасць вядомых паэтаў Беларусі. У прыватнасці, пра Якуба Коласа і Максіма Багдановіча. Дзеці атрымалі станоўчыя эмоцыі.

 

 

 

Настаўнікі беларускай мовы і літаратуры                            А.А.Дзерашава

                                                                                                   А.Л. Курыленка

30 кастрычніка ў 2 А класе прайшло мерапрыемства па папулярызацыі беларускай мовы: Турнір "Сучасныя беларусы" У ходзе якога дзеці ў гульнявой форме ўзгадалі родную мову, прыказкі і прымаўкі, загадкі, а таксама пагулялі ў гульню "перакладчыкі", у якой перакладалі словы з рускай мовы на беларускую. Усе зарадзіліся станоўчымі эмоцыямі ад занятку. Настаўнік пачатковых класаў ДУА "Сярэдняя школа № 9 г.Магілёва" Таццяна Сяргееўна Шляго

 

Каляндар юбілейных дат, якія будуць адзначацца 

ў 2025/2026 навучальным годзе:

лістапад:	105-годдзе з дня нараджэння Андрэя Макаёнка 95-годдзе з дня нараджэння Уладзіміра Караткевіча
студзень:	105-годдзе з дня нараджэння Івана Шамякіна
	90-годдзе з дня нараджэння Янкі Сіпакова
	75-годдзе з дня нараджэння Міхася Пазнякова
люты:	105-годдзе з дня нараджэння Івана Мележа
	60-годдзе з дня нараджэння Алеся Бадака
сакавік:	130-годдзе з дня нараджэння Кандрата Крапівы
красавік:	140-годдзе з дня нараджэння Змітрака Бядулі
	75-годдзе з дня нараджэння Міхася Башлакова
чэрвень:	80-годдзе з дня нараджэння Генрыха Далідовіча
ліпень:	230-годдзе з дня нараджэння Яна Чачота
	150-годдзе з дня нараджэння Цёткі (Алаізы Пашкевіч)

 

Каляндар святочных дзён:

1верасня   –        Дзень ведаў

7верасня   –        Дзень беларускага пісьменства

15 верасня –        Дзень бібліятэк

21 лютага  –        Міжнародны дзень роднай мовы

3 сакавіка  –        Сусветны дзень пісьменніка

21 сакавіка –       Сусветны дзень паэзіі

27 сакавіка –       Сусветны дзень тэатра

2 красавіка –       Міжнародны дзень дзіцячай кнігі

18 мая        –        Міжнародны дзень музеяў

25 мая        –        Дзень філолага

У рамках папулярызацыі беларускай мовы 18 кастрычніка навучэнцы 11 "А" класа наведалі выставу "Традыцыя ў сучасным вымярэнні" музея У.К. Бялыніцкага-Бірулі, дзе былі прадстаўлены работы навучэнцаў аддзялення традыцыйнай культуры і сучаснага мастацтва ўстановы адукацыі "Магілёўскі дзяржаўны каледж мастацтваў". Экспазіцыя прапаноўвала гледачу ўнікальны дыялог паміж мінулым і сучаснасцю беларускага народа. У адной прасторы сустракаліся кераміка, габелен, батык, саломапляценне і выцінанка, якія захоўваюць у сабе шматвяковую культурную памяць. Задача праекта - не проста паказаць віртуознае валоданне тэхнікай, а прадэманстраваць, як традыцыйнае беларускае рамяство набывае актуальнае мастацкае гучанне.

 

  

 Настаўнік беларускай мовы і літаратуры                            А.Л. Курыленка